Kua whakangungu a Tāmaki Makaurau i tā rātou taitara toa o ngā kapa poiuka tekau mā iwa tau heke iho o Aotearoa, i tā rātou wikitōria kia Te Whanganui a Tara, he waru ki te kore.
He pakanga i waenga i ngā paetahi o Te Ika a Maui.
Ko ngā kaiwhakangungu o te taitara, a Tāmaki Makaurau i te kahurangi, i pakanga ki Te Whanganui a Tara i te whiringa toa.
I pakari rawa a Tamaki i te timatanga, me te whakaatu i tō rātou hiakai ki te wikitōria i tēnei whiringa toa, e rua ā rātou piro i te wāhanga tuatahi o te tukinga, e toru ngā piro i te wāhanga tuatoru.
Nā ngā hapa paku pēnei noa i raru ai a Te Whanganui a Tara.
Otirā, he māmā mā Tāmaki te whai piro.
I whakaingoatia te kaikuru no Tāmaki, a Daniel Chapman te kaikuru toa o te whakataetae, ā, mārakerake kitea tēnei i te whiringa toa.
Ko te kaihopu toa o te whakataetae ko Jerome MacKenzie, nō Tāmaki anō, he hononga kaha i kitea i waenga i a raua ko Chapman.
A, ahakoa i mua rawa a Tamaki, i pakanga mo te hemo tonu atu a Te Whanganui a Tara
I te otinga i pakari rawa a Tāmaki, ā, ka wikitōria i te otinga, e waru ki te kore ngā tatau, kia pupuri tonu ai rātou i te taitara.
