Kua memeha katoa ngā tahuna pipi ki te wahapū o Whangarei

Mai ra ano he tino kapata kai ma te iwi whanui, iaianei kua memeha katoa ngā tahuna pipi ki te wahapu o Whangarei.  Me te aha, kahore hoki ngā matanga putaiao e mohio ana he aha te take. 

Kua heke te nui o ngā pipi mai i te 10,000 tana ki te 100 tana noa iho nei.  E mea ana tētahi o te haukainga o Whangarei a Pirihi Milner, “I a mātou e tamariki ana he ruku tipa, pipi me te tio te mahi i raro I ngā rākau paetai.   Engari kua ngaro nga kai nei ki te pō.”

Hei tā te kaipūtaiāo o Niwa a Tākuta James Williams kāre ngā nama kia piki ake mo te whakatipu pipi. “I roto I ā mātou tirohanga, I mate hāere te pipi I wāenga I ngā tau 2005 ki te 2014,” te kī a Tākuta Williams.    

E mea ana a Patuharakeke kua eke noa te waa e whiwhi ai rātou ki ngā rauemi e tika ana hei whakatutukī a rātou na mahi mai ra ano hei kaitiaki i ngā mataitai o konei pēnei me te pipi kei memeha noa tēnei taonga.