E patu ana te kōkōrangi rongonui a Rereata Mākiha i te huarahi kia whakaako i te pūtaiao me te mātai whetū mai i te tirohanga Māori.
Ko te pahi mīharo ka mutu ko Rereata Mākiha te taraiwa. Kua moe tahi Te Puni Kōkiri ki te Kōkōrangi i tēnei tuatahitanga kia whakaputa i ngā mōhioranga taketake ki ngā tauira puta noa. Hei tā Eruera Morgan o Te Puni Kōkiri, "Ko te pou matua o te mātauranga ko te moe o te Mātauranga ki ngā mātauranga Māori e pūāwai ai ā tātou rangatahi, ā tātou taiohi."
Ko te whāinga o ngā whakaakoranga ko te whakaatu i te whānui, o te Mātauranga Māori. E ai ki a Rereata Makiha, "Kia aro mai rātou, kia whai mā rātou, kia mōhio rātou ko ō rātou tūpuna, he tino mōhioranga ō rātou."
Tokoiti ngā kaiako reo Māori i ngā whenu pēnā i te pūtaiao heoi, hei tā Mākiha kei te Mātauranga Māori te urupare mā ngā tauira. "Neke atu i te whitu rau ngā kupu e mōhio nei mātou mō te hau, nā e kore te mātauranga pākeha e kore e tata ki tērā mātauranga o ngā mātua tūpuna" e ai ki a Makiha.
Kua tū te pahi ki Te Tai Tokerau me Tāmaki ā hei āpōpō haere ki Pōneke.
