E puare ana ngā tatau o te marae Wāhi Pā ki Rāhui Pōkeka ki te hunga e hiahia ana ki te whakataka atu i ētahi rawa mā ngā whānau e raru tonu nei i ngā whiu a Huripari Gita ki Tonga.
He kaupapa Kīngitanga tēnei i mahuta ake, whai muri i tā te kīngi tama, tā Whatumoana haerenga ki Tonga.
Nōna i reira, i tino kite ia i te anea o ngā kāinga me ngā whare huri i te moutere.
I puta i a Kīngi Tūheitia te karanga ki ngā marae o roto o Tainui kia āwhina i te kaupapa, ā, he nui te kātoitoi ake.
