Kua puta i Te Mana Whanonga Pirihimana tētahi rīpoata mō te matenga o tētahi mauhere

E whakaatu ana ngā whakapāhotanga CCTV, e waru tekau mā toru ngā wā i tukituki atu ai te māhunga o Sentry Taitoko ki te papa me ngā pakitara raima o tōna rua herehere.

 Nō te rā nei, ka puta i Te Mana Whanonga Pirihimana tētahi rīpoata mō te matenga nei me tāna arotake i te āhua e tāwharautia ai ngā mauhere ka riro ana ki ngā ringaringa o ngā pirihimana.

E rima ngā haora e noho ana a Sentry Taitoko ki te Whare Pirihimana o Counties Manukau, ā, i te paunga iho i tuhia ngā pakitara o tōna rūma herehere ki tana toto, te wāhi i mate ai ia.

Ko tā Kaiwhakawā David Carruthers ki te hunga Pāpāho, ahakoa i āta tirotiro tetahi tākuta i a ia, kāore ia i whakaae kia haria a Taitoko ki te hōhipera.

He rua wiki noa ki muri, i mate tētahi tangata i a ia e noho herehere ana ki ngā Pirihimana i Ahuriri.

Ka haere tonu ngā whakatewhanga, engari e mōhio pū ana a Carruthers, mō te nuinga o te wā ka noho te Pirihimana hei kanohi tuatahi ki te āwhina i te hapori.

Ā, he rongoā tā te ripoata nei.