Kua puta ngā kōrero o te tangata nāna i waiho te pēpi ki te tari WINZ

E rua wiki kua hipa mai te wā i mahue he tama, rua tekau mā rua marama noa iho tōna pakeke, i te tari o Te Hiranga Tangata ki Tāmaki Makaurau.  

I puta whānui ngā pirihimana i te whaakahua o te tama me te tangata, nāna i waiho noa i te tama, kia whāi māramatanga nā te aha i pā kia raru pēnei rawa te mahue poka noa i tētahi tamaiti.

Hei ko tāna, he pāpā ātawhai noa iho rā ia, kua kotahi tau a ia ko te māmā e noho mahue ana, ā, nō te pupūnga o te tohe ki waenga i a rāua, ka haria ake e ia te tama ki te rātonga.

Hei tā Child Youth & Family (CYF), kei te āta arotake rātou i tēnei take.  Ko te whāinga nui kia whakatutuki i ngā hiahia e noho haumaru ai te tama, ā, ka noho pumau tonu ia ki te taha o CYF.

Kāore anō a Poaiti kia wātea ki te kite i te tama, ka rua tau tōna pakeke a tērā wiki.