Kua puta te karanga a te rōpu Ipurangi Mana mo tētahi tirohanga motuhake ki te GCSB

I a Kim Dotcom e hiki ake ana i te taki o te haukainga i Waitangi, kua whakatakoto wero ia ki te hunga pōti kia kitea mai ai te he, hei tāna, o te purongo a te Mana Whanonga Pirihimana, e amine ana i te whakatau a te tari pirihimana kia kaua e hamenetia te rōpū GCSB mō te tiro huna hē nei i ngā tangata waru tekau ma waru. 

To be trans - According to Kim Dotcom, “The message it sends is your rights means nothing, if the Govt want to take you down and wants to destroy you, they can do that.  Rights and laws don't matter, that's my lesson from the last two and a half years.”

Ko Kim Dotcom tētahi o taua hunga waru tekau ma waru i tiro homiromirotia, ka mutu i urutomongia tona kainga.  I te marama o Oketopa i tono reta amuamu te kaiārahi takirua o te Rōpū Kākāriki a Russel Norman ki te tari pirihimana kia hamenetia te GCSB, engari hei tā rātou inā te kore manawa hara karekau he take.

E whakapono ana a Hone Harawira ko ia, rātou ko Annette Sykes me John Minto ētahi o te waru tekau ma waru i tirohia.  Na whai ano te karanga kia arotakengia motuhaketia te GCSB.

Hei tā Hone Harawira, “Hara i te mea kia rotke kia rangahau noaiho wengari kia whakturengia kia kore e taea te pirihimana te mahi i tēnei mahi ano kia mutu rano te tiro huna.”

I roto i tētahi wāhanga o te pūrongo, i whakatau ake te Mana Whanonga Pirihimana ēhara tēnei take i te mea hei whakawā mā ngā pirihimana, ēngari ma te kōti kē.

Heoi, kua ara ake te pātai e pēhea kōkiri ai tēnei take ki te kōti mēnā e muna tonu ana te nuinga o ngā ingoa o te hunga i tirohia munatia.

Kāti ina te mohio ko Kim Dotcom tetahi i tirohia, ko te pātai mena ka kawea e ia tēnei take ki te kōti?

Hei te tekau ma rima o Hepetema tū ai tētahi hui a Kim Dotcom ki Tāmaki Makaurau, hei tana ki reira whakatakoto i ētahi whakamahuki e whakaatu ana i te hee o te urutomonga ki tona whare, otira, ngā mahi tirotiro ki a ia.