E kore te pire Whāngai Tamariki a Hone Harawira e mana hei ture. Koinā te whakapae i te whakatatanga mai o te pānuitanga tuatahi o te pire i te whare pāremata ā te pō nei
Ki a Hone Harawira ma te kai e kaha ai ngā tamariki ki rō kura, ko tāna, “mena kua kai ngā tamariki kua pai te wairua kua pai te ngakau kua pai te tinana mo ngā mahi katoa o te ao.”
Ko te ita o te pire a Mana he whāngai i ngā tauira kura pae tahi, pae rua hoki, mai i ngā kura tuatahi tae rawa ki te wharekura.
Heoi, ahakoa te tautoko a ngā rōpu penei ki a Reipa, Ngā Kakariki, Aotearoa Tuatahi, te Pāti Māori, me Brendan Horan. E kore tonu pea e eke ki te taumata.
E ai ki a Rino Tirikatene, “mēna e kore tēnei pire e whai mana he pire ano kua kumea i te pāka e ōrite ana ki te pire Whāngai Tamariki."
Ko te whakatau a Harawira, “kua patai au ki wetahi mema o nahinara e tautoko ana i te pire engari e kore ta ratpunrangatira e whakāe kia pōtingia.”
Tuturu, kotahi noa te pōti e hiahiatia ana kia tutuki ai te panuitanga tuatahi.
Engari na te kaupapa a te kāwanatanga i whakapuakitia i te timatanga o tēnei tau, e kore a Nahinara, a John Banks, ratou ko Peter Dunne e tautoko.
Te ahua nei ka noho te pire a Hone Harawira hei kai ma te ahi, heoi, hei tāna ko te painga kua hika te karanga kia aro nuitia ngā tāmariki.
