Kua reri a Te Arawa kia pae atu ki Waitangi

Rima tekau ngā mema o te ope ka noho hei māngai mō Te Arawa ki te wāhanga o te waka taua i ngā whakanuitanga i te Tiriti o Waitangi hei te wiki e haere ake nei.  Koinei ngā whakatā whakamutunga mo te rōpū i mua i to rātou haerenga ki Waitangi.

Hei tā Paora Te Hurihanganui, “Tēnei te wā tuatoru kia tae atu ki Waitangi ki Pewhairangi ki runga i te wai ki reira, nō reira he hōnore nui mō mātou o Te Arawa.”

E rua ngā waka mai Te Arawa ka anga atu ki Waitangi, ko te waka tuatahi ko Te Arawa tonu, ā, ko te waka tangata ko Tieke he waka mō te ope wāhine.

Ki tā Paora Te Hurihanganui anō, mā ēnei mahi e kotahi ai te tangata me tana tino hiahia kia uru mai ko te rangatahi.

Ka haere mā runga whenua ngā waka e rua ki Waitangi, Te Pewhairangi tūtaki ai ki ngā ope waka taua hei te wiki e haere ake.