Ko Portia Woodman o Ngāpuhi rāua ko Stacey Waaka o Ngāi Tūhoe, Te Arawa ētahi o ngā māngai ka whakakanohi i a Aotearoa i te whakataetae takiwhitu a ao ki te papa tākaro o AT&T Park, o San Francisco, o Amerika. No te rangi nei ki Tauranga Moana whakaingoatia te kapa wāhine, kapa tāne anō hoki. Ko Aotearoa ngā whakaihuwaka o te ao, na whai anō he mahi nui kei mua i a rātou.
Engari ko ngā kanohi kihae i uru pēnei i a Sam Dixon, Joe Webber me te kanohi tauhou a Ngarohi McGravey-Black. Ki tā Clark Laidlaw, kaiako, Te Kapa Whutupōro Takiwhitu o Aotearoa “now if we were able to take 13 or 14 players on the road we may have took one or two of those boys but they just missed out they haven't played any rugby for the couple of months and we really went for the guys who were fit and available”. Ko Portia Woodman hoki kua whakaingoa ki roto i te kapa, hei tāna kua tino kite ngā whakaharatau heoi e anga whakamua ōna whakaaro ki ta rātou kēmu tuatahi ki a Mehiko a te rua tekau o tēnei marama.
“Tino hari koa te ngakau, harikoa te wairua hoki ki te, kia ū ki roto i tēnei tima, heoi kua haere kē au ki te whakamātautau o te ao, he wā tuarua inaianei, na reira he tino harikoa he ohorere hoki ahau ki te tākaro i tēnei whakataetae whakahirahira”. He tuatahitanga tēnei mo Stacey Waaka ki te whakataetae nei engari e whakapono ana ia kei a ia ngā wheako hei hapai i a ia. “He mea nui te whakawhiwhi i te koura ki ngā whakataetae na tērā kua hikaia te ahi kia riro i tētahi anō”.
Rua tekau mā wha ngā whenua kei te wāhanga Tāne, ā, tekau mā ono ngā uniana kei te wāhanga o ngā wāhine ki te ipu o te ao mo te whutupōro takiwhitu. Ka haere tahi ngā kapa e rua ki San Francisco hei ēnei rangi okioki.
