Kua tae mai te pēne The Original Wailers ki Aotearoa ki te whakanui i te rā o Waitangi

I tae mai tētahi pēne rongonui o te ao, arā, The Original Wailers ki Whakaata Māori ki te tuku i tō rātou karere hei hāpai, hei whakanui i te rā o Waitangi.

Hei tā te kaiwaiata arahi a Chet Samuel, ka kite ia i ngā ritenga maha o te iwi Māori me tōna iwi ake.  Ko tāna, ko te aroha mō te waiata, he aroha ōrite mō te tangata.

Mai i Jamaica ki te Pae, hou ana te rongo i te iere o Reggae.

I tae mai ngā Original Wailers ki Whakaata Māori, ā, i kōrero te rōpū i ō rātou whakaaro.

Ko ngā mema whakahou a Al Anderson, Rohan Reif, Howard Smith, Noel Aiken me Chet Samuel, e kawe nei i te ia o te wairua o ngā waiata motuhake, me te whakahau hoki i te karere "Kotahi Aroha."

Nā te rōpū waiata nō Ratana, a L40 i āhukahuka ngā manuwhiri.  I kōrero mai ngā Wailers mō ngā waiata o Aotearoa, me te ahurea Māori.

Hei te Rāmere ka whakangahau rātou ki runga i te whakaaturanga o Ata Mārie.