Kua tae mai te whakataetae takiiwa ki te pokapū o Tāmaki

Me whakatū kapa riiki Maori ki nga whakataetae o te ao.  Koira tetahi o nga whakahau i puta mai i te rā whakanui i nga apataki NRL i tū ki te papa o Aotea i Tāmaki Makaurau. He whakawātea i te ara mō tētahi o ngā ngahau nui i te maramataka riiki.

Mangumangu pai ana te papa o Aotea i te tini tāngata

Inā te kōrero nui e puta mai ana - tūturu katoa he Māori

Ahakoa ko te riiki te tākaro nui - i whai wāhi nui te netipōro - he whakamana i ngā kōrero kua piritahi te putiputi o te nōta a Kayla Cullen ki tētahi o ngā taniwha o tēnei tākaro

Āe mārika ko taua hīkaka i patere iho mai ki ngā kaimātakitaki

Ko ētahi e haere tawhiti mai ana mō te wīkene riiki o te tau

Ko taua taniwha pūtea anō rā, koinei te kōtata rawa mō ētahi ki te mura o te ahi nā te nui o te utu o ngā tīkiti

Rua rau waru tekau mā waru ngā kaitākaro kua tae mai ki kōnei i tēnei rā, tāpiri atu ki te rima mano ngā kaimātakitaki kua puta mai. He tuatahi anō rā mō ngā uri Māori o te kapa Penrith Panthers

Me te whakapono anō rā ki ō tātou hautoa Māori e takatū ana ki Ngā Anawai hei ēnei rangi whakatā

Ko te pakanga o Poihākena te tākaro tuatahi hei te poupoutanga o āpōpō ko te kapa Roosters ki te tino o ngā kapa, arā te kapa Rabbitohs.