Kua takina e tētahi kōhine rangatahi o Ngāti Waewae te wero mō te wā tuatahi

He whārangi hou i titia e te hapū o Ngāti Waewae i Te Tai o Poutini ki tōna hītori i tērā wiki, i te putanga tuatahi atu o tētahi o ā rātou wāhine ki te wero atu i tētahi ope o te Kāwanatanga.

He tekau mā whitu ngā tau o Te Amo Tāmainu, te kai-wero e heke ana i ngā māreikura mau rākau, ā, i kōrero motuhake mai ia mō te hōnore nui kua utaina e tōna iwi ki runga i a ia.

Te whakatakotanga o te taki, he tikanga mā te tāne e ai ki ētahi.

He tikanga nō te ao kōhatu o te hapū o Te Waipounamu a Ngāti Waewae.

E ai ki te toa mau rakau a Chrissy Hilton, kāre ia i te ohorere mō te wahine mau taiaha.

I rongonui te rangatira o Ngāti Waewae a Tūhuru rāua ko tana hoa wahine a Papakura mō te ārahi ope tauā.