Kua tata reri te whare tuaono o te Rōpū Haumaru Wāhine i Waikato

Ko Te Whakaruruhau o Waikato te rōpū haumaru wahine nui rawa atu o te motu, neke atu i te whitu tekau ngā wāhine, tamariki hoki e pākia kinotia e te tūkino tāngata ka noho  ki ēnei whare.  

Kua tīmata mārika ngā mahi whakatika o tā rātou whare haumaru tuaono.

Ka noho huna tona wāhi tū hei tiaki i ngā wāhine me ō rātou whānau.  Tokorima ngā whānau ka noho ki konei.

E mōhio ana a Te Uira Barton ki ngā taumahatanga kei runga i te hunga kua tūkinohia.  I ngā tau kua pahure i noho ia ki roto i tētahi whare pēnei.  I tēnei ra he tuao ia mō Te Whakaruruhau.

Kua rua wiki noa ēnei tuao e mahi ana, ā, iti ake i te kotahi marama ka noho tēnei whare hei āhuru mōwai mō ngā wāhine, tamariki hoki e pākia kinotia e te tūkino tangata.

E manako ana Te Whakaruruhau ka tūwhera te whare nei a te mutunga o te tau.