Kua tau atu ngā uri o Tūhoe ki te Whare Paremata

Kua pohiritia ngā uri o Ngai Tūhoe ki te Whare Paremata hei taunaki i te whakamanatanga o te whakataunga Tiriti ki wāenganui i a rātou me te Karauna.

E whakapaetia ana ko atu i te tekau ma wha mano ngā uri o te kohu ka noho ki te whakarongo ki te whakapāha a te Karauna ki taua iwi mo ngā mahi raupatu whenua, raupatu tangata i ūhia e te Karauna ki runga i aua uri o Mataatua.  

He kotahi rau whitu tekau miriona tāra te pūtea ka tukuna e te Karauna ki a Tūhoe, he whakapāha, a ka noho tahi a Tūhoe me te Kāwanatanga ki te whakahāere i ngā ngahere o Te Urewera.

Ka noho tahi te Kāwanatanga me Tūhoe mo ngā tau e rima, a tōna wā ka tīmata nga whakawhitinga kōrero ki te whakahoki i te Mana Motuhake o te matauranga me ngā kaupapa taunaki o te Iwi ki a rātou hei whakahāere. 

Anei tētahi whakatairanga poto o te pōhiri, hei te pō nei ka whakapāohohia e Te Kāea te katoa o ngā korero.