Kua tau i ngā pakihi The Warehouse me Noel Leemings ki te tango i ngā kōpae whitiata

updated
The Warehouse Group Ltd pull R18 titles off shelves

Kua tau i ngā pakihi The Warehouse me Noel Leeming ki te tango atu i ngā kōpae kēmu me ngā kōpae whitiata i ō rātou toa.

E whai ana tēnei i te pukuriri o ētahi o ngā kaihoko ki te kēmu ataata Grand Theft Auto tuarima, i kaha pēhi i ngā rāngatira.

Koinei te kāinga o te "rawa utu ngāwari", heoi ka kore he rawa mā ngā kaihoko o ngā kēmu ataata mā te hunga tekau mā waru tau me runga ake, nā te whakakorenga o aua kēmu i ō rātou whata hoko.

E ai ki te tumu whakarae o te Warehouse a Mark Powell, “Kei reira ngā wā ka puta ake ngā raru, ā, ko te raru nui kua hura ko te kēmu nei a Grand Theft Auto 5, me tana āhuatanga hou.”

He rongonui mō ōna āhua pākaha, ai tangata hoki. E ai ki te kaitākaro kemu ataata a Kingi Stirling e tautoko ana ia i te whakatau, heoi e rangirua ana ia mō te wā.

Ki tā Stirling, “Ahakoa he whakaaro pai tenei, taku patai ki a ratou he aha te take kei te aukati koutou i tenei te hoko atu ināianei? Ki ahau nei he pōrangi.”

E ai ki te Warehouse kei waenganui i te rima rau ki te whitu rau māno tāra te pūtea ka riro ia tau, heoi e ai ki te Tumu Whakarae a Mark Powell koia tonu te utu.

Ki tā Powell, “Kāore anō au kia tūtaki i tētahi tangata i kore i  āwangawanga mai, whakapono ana au he uaua ki te whakaohorere i te tangata i ēnei rā.”

Ko tōna tahi rau tekau tāra te utu o te kemu nei, heoi kua mutu te kemu mēna he rawa utu ngāwari tō whai.