E rere ana ngā tangi aroha o te whānau a Ihaia Gillman-Harris whai muri i tōna kōhurutanga i te ata o te Rāhoroi i te mōtera o Ascot ki Kohia, Tāmaki Makaurau, ā, ka mate atu a Harris ki te hohipera o Tāmaki he rima tekau mā whā ōna tau.
Kua whai hāere te kairipoata o Te Kāea i tēnei kaupapa, hei tāna, kua taka te kapua pouri ki runga i te whānau o Ihaia Gillman-Harris. Kua puta ngā whakaaro a tana irāmutu, ko Ihaia ano tōna ingoa me tōna hiahia kia utu te hara ki runga i te hunga i tūkino i tōna matua kēkē. Heoi ano kei te whakatewhatewha tonu te hunga pirihimana kia hopukina te hunga nei i tūkinotia i a Gillman-Harris.
Tokorua ngā tāne i hāere ngātahi me Gillman-Harris ki te mōtera o Ascot i te waru o ngā haora o te Rāhoroi, ka hopukina rāua ki runga i ngā kāmera a te mōtera, he rangatahi hoki ā rāua ahua, e mau nei i te pōtae me te poraka. A, i wehe atu ngā tokorua i runga i te waka a Gillman-Harris i mua i te whakawhirinakitanga atu o Gillman-Harris ki ngā kaimahi o te mōtera, te awhina i a ia. Nā i whakapā atu ahau ki ngā pirihimana o Aotearoa i tēnei ahiahi, kāre ano he pūrongo hōu kia puta i tēnei wā.
I whakapā atu a Taroi Black ki tētahi o ngā hoa o te whānau a Gillman-Harris, ā, ka heria tōna tupapakū ki Piki te Aroha marae i te Taitokerau. Nōreira e mōhio ana mātou o Te Kāea he uri whakaheke a ia no te Whare Tapu o Ngāpuhi.
