E harikoa ana a Sean Wainui kua rite ia mō ngā tau e rua e kainamu mai ana.
Kua whai kirimana hou a Wainui mā te kapa Chiefs. Hei tāna, kua uaua ngā tau kua hōri, hēoi kei te harikoa ia kua hoki anō ia ki ngā Chiefs. E ai ki ā anō, ko te ahurea o te karapu he mea whakatairanga i te tangata, i ā anō.
Kāore te Crusader ō mua i whai kirimana hou i Te Waipounamu, ka mutu i kapi katoa te toenga o ngā kapa. I te tīmata a Wainui ki tiro ki tāwahi, hēoi i īnoi a Colin Cooper, kaiako o ngā Chiefs, kaiako ō mua o Wainui i Taranaki anō hoki, kia nohopuku, tatari ai.
Nā wai, nā wai, ka whati te tai, ka pao te tōrea. I whai wāhi atu a Wainui ki te kapa Chiefs, hēoi kōtahi wiki te roa o ngā kirimana, me ngā āhuatanga ka whai atu, ara tē mōhio ka ahatia hei te wiki, hei te marama rānei ka whai ake.
Nōna e tau ana i tōna wāheke. kei te tiro inaianei a Wainui ki te haerenga o te kapa Ōpango Māori ki ngā Āmerika hei te tau nei. Me kounga anō ia i te whakataetae Mitre 10 cup, ka whakaingoatia ia ki taua kapa mō ngā kēmu kia USA, rātou ko Chile, ko Brazil.
Ko te aronga tuatahi mō Wainui i tēnei wā ko te whai wāhi atu ki te aro ā kapa Chiefs mō tō rātou tukinga ki ngā Hurricanes ki Kirikiriroa hei te Pōmere nei.
