Ki Whakatāne tīmata ake ai te whakataetae pā whutupōro whakaharahara o te tau.
Ko, ko tā tētahi o ngā kapa pakari, ko tā Wairere mahi, he whakanui i tētahi o ōna toki o mua i mate i te mate pukupuku i tērā tau, i a Chase Ngawati.
Hei tā Whitiaua Black, “Ko te aronga ko te whakarangatira i ngā kaupapa Māori ta mātou e whai nei. Ia ata kua mihimihi kua karakia mātou ā ko tā matou wairua, ko te whakanui i tā mātou hoa a Chase Ngawati tata te tahi tau ia kua pahure ake i tangohia ia i te ringa o āituā. Kei te whakaaro tonu mātou mōna.”
Ki a Reyce Allen tētahi o ngā mema I āwhina ki te hanga i te kapa o Wairere, i tā rātou kuhunga tuatahi i ngā whakataetae o te motu e ono tau ki muri.
Hei tāna, “Kua tīmata ahau te ārahi I ngā tuākana me te tautoko i te kaupapa me kī he matua.”
E whitu ngā tukinga a Wairere mō te whakataetae, ko tā rātou manako hei te otinga o te rā ko te taonga e whaia ana e ngā kapa puta noa i te tonamana o Whakatāne.
