Kua tīmata ake tētahi porotēhi ko ngā mahi keri kōhinu te take

Tere ana ki runga o Hokianga ko ōna uri me tētahi huinga waka e porotū ana ki te kamupene keri kōhinu nui a Statoil e haere tonu ana me tōna hopara i ngā papamoana o te Tai Tokerau.

He māharahara nō rātou ki ngā tūponotanga ka raru ngā wai me ngā uri o te moana i ngā mahi keri kōhinu papa moana.

Hei tā Bronwyn Wikaira, "E hiahia ana mātou mō te Kāwana ki te mātakitaki tō mātou tū rangatira i tēnei rā.”

Ko Statoil tērā e anga atu ana ki te papamoana o Te Reinga, ā, e ono tau te roa kua whakaaetia e te Kāwana kia hopara kōhinu i te takiwa.

He mea whai tēnei porotēhi i te porotū o tērā marama e whakatenatena ana i te kaupapa ōrite.

Koinei te hiahia nui a tēnei hapori kia piki te tautoko o tēnei kaupapa, ā, koinā te pātai penā rānei ka tau te waka a te Kāwana ki tēnei na.

Mā te wā tātou ka kite.