Kua timata te hui take raupatu o Te Rohe Pōtae ki Te Kuiti

Ko ngā take raupatu o Te Rohe Pōtae kua tīmata te whakawāngia ki mua i Te Rōpū Whakamana i te Tiriti o Waitangi.

Ka tū te whakawākanga hei te roanga o tēnei wiki mō ngā kerēme rua rau whitu tekau e whai wāhi ana ki te take nei.

Nā ngā whakamoemiti i rewa ai te whakawānga mō ngā take raupatu o Te Rohe Pōtae ki mua i Te Rōpū Whakamana i te Tiriti o Waitangi.

Nā Ngāti Maniapoto te nuinga o ngā kereme i te huinga take nei.

I tēnei rā ko ngā whakawhiu o ngā ture kāwana ki ngā kaipupuri whenua Māori o Te Rohe Pōtae i āta tirohia. 

Mā te whakawehe i ngā whānau, hapū me ngā iwi o Te Rohe Pōtae i tipu ake te wairua hoto. 

Mo tētahi o ngā kaikereme nā te hokotanga o ngā whenua, kei te mau tonu ngā mamae i tēnei rā.

Nō tau rua mano tekau ma rua timata ai te whakawākanga o ngā take raupatu o Te Rohe Pōtae ki mua i te rōpū whakamana i te Tiriti o Waitangi, ā, hei te Rāmere nei hiki ai tēnei hui.