Tokowhā ngā kaitākaro hou kua tīpakohia ki te kapa takiwhitu o Aotearoa mō te whakataetae takiwhitu ki Te Whanganui a Tara hei ēnei rangi okioki, ā, ko Beaudein Waaka nō Ngāi Tūhoe tētahi o rātou.
Hei tā te kaiako a Gordon Tietjans, kua roa nei ia e āta mātakitaki ana i a ia.
He whāinga kua whakatutukingia e Beaudein Waaka.
Hikaka ana hoki ōna mātua.
E kātata atu ana hoki te kuhunga atu o tōna tuahine a Stacey ki te kapa takiwhitu wahine o Aotearoa.
I tākaro a Beaudein mā te kapa kura tuarua o Aotearoa i te tau rua mano tekau mā rua, ā, i ngā tau e rua nei kua whai wāhi ia ki te kapa ITM whakawhanake o Taranaki, ā, hei ta Gordon Tietjans, he maha ngā pukenga o Beaudein, tua atu i te kaha o tāna karo rutu.
Heoi, nā tana urunga atu ki te kapa takiwhitu, he tino whakanui kua whakatārewahia.
Heoi nā ēra whakahere me tana ūpoko pakaru kua eke mārika a Beaudein i te ao whutupōro, ā, ko te hiahia inaianei kia eke hoki ana mahi i waenga i tāna kapa, i runga i te papatākaro.
