Kua toa i te kapa Kura Tuarua Māori o Aotearoa i te whakataetae ā-ao i tū ki Kuala Lumpur

Kua toa i te kapa Kura Tuarua Māori o Aotearoa i te whakataetae Kura Tuarua ā-ao i tū ki Kuala Lumpur, i turaki i a Ahitereiria i te whiringa toa rua tekau mā iwa ki te rua tekau mā tahi.

I te taunga waka rererangi a Te Aorere Pēwhairangi i te rā nei i tō rātau taunga mai ki te kāinga. 

I haere Māori atu, i hoki toa mai.

I whakakanohi te kapa Māori nei i te motu i te tamōnga o te kapa matua o Aotearoa.

Ko tā te Kaiako, kaitākaro Rarauhe hiriwa o-mua hoki, ko tā Te Aroha Keelan, nā te whakapapa te kapa i whakakotahi.

I puta hoki tētahi pou whirinaki o te kapa ki te whakanui i tēnei ahuatanga kua roa nei e tāria ana.

E ai ki a Kahurangi June Mariu, “Ki ana te ngākau i te koa. Hiahia ana mātau mai rā anō kia uru atu he tima ki roto i ngā whakataetae o te ao, koina te mea nui, a he tīmatatanga tēnei.”

He wā ka titia ki te ngākau mō ngā tau kai tua.