Kua tohua he pae hōu mō ngā tohu whakamaharatanga ki ngā hōia i te rohe o Whangarei

He wāhi i karangatia ai ko te papa o maumahara.  Nō ngā wiki tata nei tohua ai hei pae hōu mō ngā tohu whakamaharatanga mō te rohe o Whangarei ki ngā hōia i haere ki te pakanga. 

Ia pō, koinei te kaupapa ki te pae hōu kua tohua hei wāhi whakamahara kia rātou o tēnei takiwā i tae ki ngā marae o te riri.

Ahakoa anō te mahana o tēnei pae, e mea ana ngā mōrehu hōia, ehara i te mea me waiho ngā wāhi whakamaharatanga tawhito o te takiwā kia mokemoke.

E ai ki tētahi mōrehu hōia, a Dick Shepherd, “Mehemea e haere mai hoki mātou ki te titiro ki ngā kanohi hoki o ngā pēpi nei me ngā rangatira nei, ka titiro mai koe he aroha hoki o ngā kanohi o rātou nei nē.”

He tikanga tēnei i tikina mai i te whenua o Peretiamu.  I reira kua tu ēnei whakahaere ia pō mai te tau kotahi mano iwa rau rua tekau mā waru hei whakamihi i ngā hōia o konei i riro ki te mura o te ahi kia ora ai rātou.

Ki tā Dick Shepherd, “E hoa, kī pai hoki ngā tāngata i konei nā, i runga i te puke nei, i runga i tērā wāhi nei, kī pai rā.  Ko tērā hoki te wā e hiahia ana rātou me mauria mai tērā ki konei.”

Ia pō tū ai tēnei kaupapa, tae atu hoki ki te rā o ANZAC.