I te Kaunihera Mana Nui o Tāmaki Makaurau e anga atu ana ki te whakatinanatanga o te Mahere Aronui Hou, e wehi ana ētahi i te here Mana Whenua.
Ko te Rōpū Democracy Action tērā whakarite i te tuāpapa e āhei ai ngā kainoho o Tāmaki Makaurau ki te hui ngātahi me te tuku i o ratau wero ki te Kaunihera, mo te here Mana Whenua.
He kainoho o Tāmaki Whānui te nuinga o te māpu pākinakina i tae mai, me o ratau patai, wero hoki.
E ai ki a Penny Pirritt o te Kaunihera Mana Nui, “ko te pōhēhē tēra kaore etahi o ngā wāhi e tūponotia ana he here Mana Whenua ōna, i te whai herenga tuturu nei, kātahi, kārua he pūtea ano te Mana Whenua e whai ano nei."
Ko te whakatinanatanga o te here e pēnei ana, inā herea tetahi pito whenua hei whenua whai take ki te hītori o tētahi, etahi rānei o ngā iwi mana whenua tekau ma iwa o Tāmaki whānui, ma taua iwi rā e whakatau ai mēna rānei ka āta whakatewhatewhatia te whenua rā
Ahakoa e toru mano e ono rau ngā pito whenua e whai wāhi atu ana ki te here nei, kua oti kee te pareatanga ki rahaki o taua here ki ētahi o aua whenua, i raro ano i te whakahau o te Mana Whenua
I roto i ngā marama e ono kua hori ake, he rua rau o te ono mano koni atu o ngā tono rawa taiao kua tae mai ki te Kaunihera, i whai pānga ki ngā here o ngā Wāhi Mana Whenua, me te mea nei, he ko tata ake i te rua tekau ngā tono i whakakorengia e te here Mana Whenua.
Ko tētahi atu o ngā wāhanga o te kaupapa, ka wātea te Mana Whenua ki whakawhitiwhiti kōrero mo te whakahaere tahi i a rātou whenua. Koira ano tētahi kaupapa i whakatū i ngā pihi a ētahi.
Ki te whakāetia te Mahere Aronui hou nei, hei te tau 2016.
