Kua tutuki ngā wawata o Te Tiriti o Waitangi?

I waitohua hei whakakotahi i ngā iwi e rua, engari kua tutuki ngā wawata ā Te Tiriti o Waitangi i ngā tau kotahi rau whitu tekau mā rima.

Mai i Tāmaki Makaurau, heke whakatetonga ki te Te Whanganui ā Tara tā mātou kaikawe kōrero e rapu ana i te kōrero, he iwi kotahi tātou?

I tae mai ngā tāngata rua mano ki te pāka o Waitangi i Pōneke, he huihuinga i rere ai te rangimārie, heoi mō ētahi me pērā ka tika.

Ka tahuri ake ki te Waiariki, te ahua nei kua whai moni te Māori, engari rā tō rātou mana, he pēhea rā tērā?

E mōhiotia whānuitia ana a Te Arawa mō te manaaki manuhiri, engari mō ana uri he hiahia anō tō rātou.

Heoi ināianei ki te rohe o Heretaunga, ahakoa te ua, e tū kaha ana a Ngāti Kahungunu, me te whakaaro mā te ako a te Pākehā e whai hua ai te katoa.

Nā Ngārimu Blair me tōna iwi o Ngāti Whātua o Ōrākei te marea i rāhiri ki Takaparawhau.

Heoi kua tau te mauri i waenga i te nuinga i tenei rā, engari wai ka mōhio, mēnā ka orite ngā mahi hei ngā tau kei te heke.