Kua whai kupu hauraro reo Māori te kiriata Thor Ragnarok. Koinā te kōrero kua puta i a Matewa Media, te kamupene i whakamāori i te kiriata Disney o Moana.
Nō Tweedie Waititi, te tuahine o Taika Waititi, te whakaaro, ā, hei tāna, he mea nui ki a rātau kia noho mai ko te reo Māori hei kōwhiringa matua i te wāhanga kupu hauraro. E tautokona ana te kaupapa nei e Air New Zealand.
Ko ngā kupu hauraro Māori tētahi o ngā kōwhiringa reo ka kitea ki ngā papa whakaata i runga i ō rātau waka rererangi.
