Kua whai mana tētahi kaupapa e whakangāwari ai te whakawhitinga o te tamaiti mai te kōhanga ki te kura

Kua whai mana tētahi kaupapa i waenga i ngā whānau Māori Pacifica hoki e whakangāwari ai te whakawhitinga o te tamaiti mai te kōhanga ki te kura tuatahi, me te mea hoki ehara ko ngā tamariki anake e whai hua ana.

Ko te whakawhititanga atu ki te kura tuatahi tētahi āhuatanga nui ki ngā mātua me ā rātou kōhungahunga, ā, koirā tā te kaupapa 'HIPPY' nā The Great Potential ki Takānini, he awhi, he tautoko i aua whānau.

I kimi āwhina tēnei pāpā nō Ngāti Hine, he āwangawanga nōna mō āna tamariki nohinohi, ā, inā noa atu ngā hua i puta.

Hei tā Joseph, i te nohonga o tāna tamāhine a Rawinia ki te hohipera o Starship mō ngā pokanga manawa e toru, i takahuri katoa ai tōna ao.

Kua uru mārika ngā tamariki e toru a Joseph ki te kura ināianei, ā, e tutuki pai katoa ana ā rātou mahi.