Kua whai utu te whānau Mokomoko

Ko te kanohi e whakaatu ana i te wairua. Kua kotahi rau rima tekau tau te whanau Mokomoko e patua ana e te whakama. A, i tēnei ra kua huri te tai.

I te tau kotahi mano e waru rau ono tekau mā ono i whakamatehia atu a Mokomoko e te Kawanatanga mo te kohurutanga o te mihinare o Carl Volkner.

He nui hoki ngā whenua o Te Whakatohea i raupatuhia hei utu.

Hei tā Pita Biddle, “Kua puta hoki ngā roimata katoa, ki ahau nei pai hoki te titiro ki ngā tamariki i tae mahi tahi a tātou ne kia mutu hoki o ngā hara ki runga i te whānau mokomoko.”

A ko te mema mo te Waiariki ko Te Ururoa Flavell tētahi i tino tautoko i te whānau i roto i te whare.

“I rongo marika tonu ngā taringa, he hiahia no koutou ki te whakawehe i te ahuatanga o ta koutou kereme i ta tetahi atu, na te aha?

Na ngā pehitanga kua tau mai ki runga i te whānau, kua rongo ake au i tera kōrero, a ma matou tera e kokiri ki mua o te aroaro o te minita.”

Engari kaore te Minita mo ngā take tiriti, a Chris Finlayson i kitea i te whare i te ra nei, na reira me tatari te whānau kia kite ai mena ka riro i a rātou he utu ranaki.

Ko ngā kupu i whakarerea iho e Mokomoko ko enei, “E mate hara kore ana ahau. Tena koutou Pākeha. Hei aha.”

A i tēnei ra kua whai hua era kupu.