Kua whai wāhi etahi rōpū nō te Tai Hauāuru te eke i te atamira mō tētahi konohete Matariki

Kua whai wāhi atu tetahi rōpū nō te Tai Hauāuru te eke i te atamira o Te Papa Tongarewa mō tētahi konohete Matariki.

Hei te po nei tū ai te rōpū Hauāuru ki te atamira me ētahi atu kaitoa e toru, anō hoki ngā mātanga pūoro a Ria Hall rāua ko Rob Ruha.

Katoa te whakamārama kei te īngoa.

Hei tā Leonie Matoe, “Ko te tino hiahia mātou ngā uri o Te Tai Hauāuru te waiata tito waiata hoki ki te whakāturia ngā ahu o Te Tai Hauāuru.”

Ā te pō nei kā tū rātou ki Te Papa Tongarewa mō tētahi konohete Matariki.

E ai ki ngā mātanga puoro nei, nā ngā rōpū penei i Hauāuru, kua pakari haere te ao puoro Māori.

E ai ki a Rob Ruha, “Kua puta au ko Maisey ki tā wāhi waiata ana i te reo Māori ahakoa kāre mōhio rātou he aha te tikanga o ngā kupu kei te rongo tonu i te wairua o ngā waiata me kī he waiata pai te waiata pai ahakoa te reo.”

Ki tā Ria Hall, “Kia tū mārō, kia tū pakari i tēnei huarahi. Kāre e kore ka whaia e rātou ētahi obstacles, heoi me tū maia i tēnei ao.”

Heoi e ai ki a Rob ka whai wāhi atu ngā mahi o te papa haka ki ēnei momo waiata.

Hei tā Ruha, “Ko ngā taonga ka akona e koe ki ngā parakatihi kapa haka, kei reira te oranga mō wēnei mahi. Kia hāngai koe ki ou mahi, kia aro koe ki ou mahi, kia eke koe ki tētahi taumata, me pēhea te tiaki i a koe heoi he oranganui ki roto i ngā kapa haka.”

Hei te whitu karaka a te pō nei kā tu te konohete kore utu ki Te Papa Tongarewa.