Kua whakahōnoretia te kapa o Te Aurere ki Waitangi

Te Aurere crew honoured

I te rā nei i whakahōnoretia te kapa o Te Aurere, me tana waka tautoko, a Ngāhiraka Mai Tawhiti, mō tō rātou whakatere i ngā moana 5000M (nautical mile) i tā rātou haerenga ki te motu o Rapa Nui.

Nā ngā akoranga o te tohunga waka hourua, nā Tākuta Hekenukumai Busby, i whai tohu hōnore te kapa takitekau o Te Aurere rātou ko Stan Conrad nō Te Aupōuri, tō rātou kaiurungi.  Nā Tumu Te Heuheu ērā tohu i tuku mai i te Tarahiti o Waitangi.

Tokowhā o te tekau i wehe i Tāmaki i te tīmatanga, i noho pūmau ki te kaupapa tae noa ki tōna otinga, ko te mate makariri rawa me ētahi atu raru te tino take i hoki mai rātou ki te kāinga.

Ko Karl Johnston hoki tētahi o ngā rangatira i reira, i te wā tuku tohu, e whakahōnore ana i te hononga ki waenganui i Te Puia me Te Aurere.