Kua whakaingoatia ngā kapa kaihoe mo te whakataetae o te ao

Kua tohua ngā kapa matua o Aotearoa mō te whakataetae ki Ahitereiria hei te Haratua. Kua whakaingoatia ngā kaihoe mai ia kapa.

Ki te taha o ngā tāne, ko Tupu King, ko Brad Anderson, ngā Tūngane Herbert anō hoki,kua tohua a Richard Pehi nō Te Taitokerau, koia te toa takitahi o te wāhanga Masters, engari kua eke tonu ia ki tēnei kapa mō te whakataetae a ao.

Ki te taha o ngā wāhine, ko Vesna Radonich, ki a Kiwi Campbell ano hoki ā, he maha ngā mahi ā Kiwi nā te mea koia hoki te kaiako o te kapa. Heoi I kitea tana kounga me te kounga o ngā wāhine me ngā tāne i runga i te wai.

He tau anō, he koura anō mō Kaiarahi Toa.

I eke panuku anō tēnei kapa toa I te whiringa toa rima rau mita anō hoki kia rua ngā metara koura I te rangi nei.

Neke atu i te 20 ngā koura kua wikitoria tēnei kapa I ngā tau kua hipa engari ko te whakataetae a ao te aronga inaianei.

Ki te taha o ngā tane I te whiringa toa W6 kotahi mano rima rau mita, ko Pure OCC te kapa I te ara tuatahi engari ko tā rātou hoa kaihoe a Hei Matau Paddlers ngā Bhutty Boys te kapa rangatira I tēnei rā.

Ka mutu, i te whiringa toa W6 rima rau mita te roa, I whai haere a Vaka Manu I tā rātou metara koura karapipiti e wha.

Ā, ahakoa  te manawanui o ngā kapa katoa, I riro anō I tēnei kapa toa nō Manukau tēnei honore nui.

Pērā i a Kaiarahi Toa, ka huri te aro o tēnei kapa whakaihuwaka ki te whakataetae a ao hei te marama o Haratua.