Kua whakaputa tētahi pūrongo whai muri i te whawhai ki te taunga tereina o Britomart

Ahakoa te hiahia a Te Manatū Waka o Tāmaki Makaurau, kia whakarahi ake ngā pirihimana ki te taunga tereina o Britomart whai muri i te tutū puehu i tērā tau, e ai ki ētahi tāne tokorua i uru ki waenga i taua hunga, e kore rawa tērā e taea te unu i te riri ki waenga i ngā taha e rua.

Nei rā a Shane Perham rāua ko tōna hoa, nā rāua te kōrero, i konei rāua i te whawhai nui o tērā marama.

Kātahi anō ka oti i a Auckland Transport tō rātou aromatawai i te whawhai, i pakaru mai ai ki waenga i tēnei tira kotahi rau tāngata te nui i te tekau mā toru o ngā rā o Hakihea.

Engari ahakoa tēnei tohutohu nui, kahore rawa i te whakapae ēnei tokorua ka puta he rerekētanga.

E ai ki a Auckland Transport, he tekau mā rima mano tāngata ka tae mai ki Britomart i te rangi kotahi.  Mō ō rātou tereina katoa, ka eke taua tatau ki te whā tekau mano tāngata.

I te taenga mai o ngā ahurei pēnei i a Christmas in the Park, i ngā whakamātautau Ōpango, i ngā konohete Viaduct hoki, i ētahi wā ka kii katoa a Britomart i te tangata.

Hei te Rāhoroi ka tū te whakamātautau kirikiti e kitea ai a Aotearoa me Sri Lanka ki Eden Park, i reira whakaurua ngā tohutohu hōu.