Kua whakararata te kaiwhakaako hoiho a Tommy Waara i ngā hoiho Kaimanawa

E mōhiotia ana ngā hōiho Kaimanawa mō tō rātou moamoa. Otira, ehara i te mea māmā te whakararata i a rātou. Kua hiki a Tommy Waara i te manuka kia whakararata i ngā hōiho Kaimanawa e rua, kia kite ai tātou, ae, ka tāea e rātou te eke ki te taumata teitei i te ao eke hōiho.

I te tau kua horī, nō hea rawa te whakaaro ka mau paraihe, tera hoki ngā hōiho Kaimanawa, me te tū marino, tū rānei ki tētahi whare tapere, i mua i ngā tāngata maha.

Engari, kei te mahi tahi ngā hoiho e rua i ngā mahi kāre e tāea i ngā marama tata nei. Nō te wao nui rāua, nō te puihi o te Kaimanawa, e haere māoriori ana.

Ko ngā hōiho Kaimanawa, he hōiho moamoa e haere ana i ngā whenua o reira, heoi, ko tā Te Papa Atawhai, he mōrearea aua hōiho mō ngā otaota. Nā reira, ka mau aua hōiho, ka whakararata hei here i te poringa o taua momo.

E noho ana a Waara i Raetihi, he tangata e mōhio pū ana ki ngā mea katoa o te hōiho. Otira, kua puta ngā hua o ana mahi, me te whakahari a ōna hōiho i te marea.