Kua whakarite whakaari kapa haka ngā tamariki i whakaohongia e ngā Pirihimana i Whakaahurangi

Kei ngā pā kaiahi huri noa, tēnā koutou katoa. He amuamu ōkawa kua tukuna ki Te Mana Whanonga Pirihimana e Ahitahi, hapū o Ngāti Ruanui mō te āhua i whakaekea ai tō rātou marae i Whakaahurangi i te atapō o te Rāhoroi. 

I whakaohongia ngā tamariki katoa i te noho wānanga ki te marae, kia āta tirohia e ngā pirihimana i roto i a rātou mahi rapu i te tangata, nāna tētahi koroua, e ono tekau mā tahi ōna tau, i haupatu. 

I ngā kupu ripenetā a ngā pirihimana, e tūmanako nui nei rātou kia hui me te iwi hei te Rāhina.

Ahakoa rā tēnei maiki, kua huri te aro o ngā ākonga ki te whakatikatika i tō rātou kapa ka haka atu ki te Taiopenga o Taranaki hei ngā marama e whā.