Kua whakarwaina te kaupapa Pōti Haka Pōti

Ma roto i te haka i whakarewa ai tētahi kaupapa ki Ōpotiki inanahi nei, e kiia nei ko Pōti Haka Pōti. 

He kaupapa e whai ana ki te mahi hukapapa, na te kapa haka o Te Whānau a Apanui i para, na runga i to rātou tū ki te whakangahau, heke tonu iho ki te tuku i tō rātou pōti tōrangapū.

Pōti Kapa Pōti tērā pea he tuatahitanga tēnei ka riro ma te kapa o Te Whānau ā Apanui hei kawe i te kaupapa.  Engari ko te kōrero i tae mai he huinga here-kore tēnei ki ngā rōpū tōrangapū.

Ko tā Rawiri Waititi te kaitono mo te Waiariki mo Reipa, “Kia mōhio ai te iwi ehara tēnei, nō te pāti Reipa, nō pāti Māori, nō te pāti Mana rānei, e kao, tēnei kaupapa he whakatōpungia i wā tātau hunga.“

Taketake ake, ko Te Waiariki he rohe pōti mo Reipa, i ngā kōwhiringa pōti ka huri ko te hunga kei runga i te rārangi pōti mo Te Waiariki kihae i pōti ko te hunga mātaatahi kei waenga i te tekau mā waru tau ki te rua tekau mā rima tau te pakeke. 

Ko tā Roger Rakuraku o Te Whakatōhea, “Ngā kitehanga, ngā rangahau, kāre wā tātau rangatahi Māori e tae atu ki te pōti, na te mea kāre, ētahi ō rātou kāre i te mōhio, ētahi kāre hiahia ki te pōti na te mea he aha te tikanga kia pōti.”

Ko te tūmanako na tēnei huinga kua tu ngā ara ma te hunga hei pōtī engari he huinga hoki tēnei hei hiki ake i te hapori o Ōpotiki, ā, ko te mātauranga me te hunga rangatahi ngā take tōrangapū nui kei konei. 

Ko tā Traey Hiltler, “Mōku tuatahi ko te mātauranga, he kaiako Māori au i roto i ngā kura.”

E ai ki a Roger Rakuraku, “Ko te kore mahi, te hoki atu ki te whai i tēnei mea te mātauranga, te waihotanga ō a tātau matua tipuna, um me te kore kainga, te kore utu mai te penehanga ki a rātou.”

E ai ki ngā whakatau nuku atu i te rua rau te hunga i pōti ki konei i te rā nei ki raro i tēnei kaupapa.