He pītau whakarei i te ao umanga, kua whiwhi e Rachel Taulelei te karahipi a te Pirimia mō ngā kaihautū pakihi.
Ko ia te tumu o Kono, he pakihi Māori, kei te rōpū kotahi rau ō runga i Aotearoa mō wā rātau mahi kai, inu hoki.
Ka mutu, he kaiwhakatenana wahine ki ngā mahi pakihi.
Kei te pīrangi ia ki te whakahihiko i ngā rangatahi Māori i te ao pakihi.
Hei tāna, e ngākaunui ana ia ki te mahi pākihi, ka mutu, mehemea ka taea e koe te hanga he tūnga mahi mōu ake me tō whānau he hua anō tēnā mōu.
Ko ia te tumu o Kono, he kamupene mahi kai, mahi inu hoki ki raro i Koporeihana o Wakatū.
Nō te tau nei, whakanuia tētahi o wā rātau waina ki te rārangi Waina Reka o Araraunga Aotearoa.
Hei tāna, he hua i puta i runga i te whakapau kaha. He rua tekau ināianei mōna, ā, mō te nuinga o aua wā i whakakoi ake i ō pūkenga kātahi ka āhua ngāwari haere pēnei i te mahi waina.
I whiwhi i a ia i te karahipi pakihi a te Pirimia.
Hei tāna, ko ōna whakapapa me ngā tikanga hei tūāpapa ki roto i wāna mahi.
Hei tā Rachel Taulelei anō, ruarua noa iho ngā wāhine kei ngā tūranga teitei o te ao pakihi, me te aha, kei te pīrangi ia kia tū hei tauira.
Mehemea e hiahia mātou kia uru mai ngā wāhine Māori ki ēnei wāhi me noho ētahi i reira hei tautoko i ngā wāhine kia uru mai ki tēnei mahi.
He kupu akiaki ōna ki ngā reanga hou e whanake ana.
