Kyokushin Karate on the rise

James Perry

Karapine atu ngā toa Kyokushin karate ki te whakataetae ā motu ki Rāhui Pōkeka, he momo karate kua kaha tipu i roto i ngā tau. Neke atu i te kōtahi rau rima tekau kaiwhawhai i uru atu ki te wahanga tamariki.

Ko Lucas McKinnon tētahi o ngā kaiwhakahaere o te whakataetae nei, hei tāna nā Raahui Pookeka te maringanui i whakakao atu te motu ki runga i tō rātou hāpori.

Kī apiapi atu te Whare Ora o te Wharekura o Rākaumanga i ngā karapu kyokushin puta noa i te motu, tae atu ki Illawarra i Ahitereiria. E ai kia McKinnon, kua tipu haere te hākinakina whawhai nei i roto i ngā tau. Ko tāna e whakapae nei, nā whai anō kua ngākaunui atu. Ko ngā hua hauora anō tētahi take. Ka mutu, e ngākaunui pea ana ngā mātua ki ngā tikanga e tika ai ana ngā whanonga o ngā tamariki.

Ko Shihan Stephen Takiwa te kanohi kitea mō Aotearoa ki Hāpāni, kua 35 tau ia e whakapeto ngoi ana i ngā mahi kyokushin. Hei tāna, kua piki te nama o ngā karapu mai i te 15 ki te 30. Hei tāna anō, nā te rahi o ngā rangatahi e whakangūngū ana, e piatata rawa ā tau koroī.

Ko te kata tētahi o ngā wahanga o te whakataetae, he wahanga e whakaatu ai ngā kaiwhakataetae i nga nekehanga onamata. Hei tā Shihan Takiwa anō, ka uaua pea mō ngā rangatahi kia tū ki mua i te aroaro o te motu whakaatu atu i ngā mahi, hēoi ka kite hoki i ngā hua o te whakawhanake, o te whakangūngū anō hoki.

Ehara noa i te mea ka kimi i ngā toa o te motu, engari ka tipakohia hoki i tētahi kapa hei whakakanohi i ā Aotearoa ki Hāpāni i te tau e heke mai nei. Hei tā Shihan Takiwa, ka tipakohia e rātou i tētahi kapa tāne, ēngari e hiahia hoki ana kia kawea atu i ētahi rangatahi, wāhine me ētahi anō nō te reanga kaumātua.

Ko Lucas McKinnon tētahi kua tae atu ki Hāpāni mō ngā mahi kyokushin. Hei tāna, ka tino kite e te kapa nei i ngā momo ahurea o te ao i a rātou i reira. Ko tāna anō, he ōrite te ahurea Hāpāni ki tā te Māori. Ka mutu, kua horapa katoa te ao i te Kyokushin.