Launch of new Counties Manukau Children's Team

Talisa Kupenga

Ko te tino o ngā rōpū tautāwhi i ngā tamariki whakaraerae kāore e riro ana i Te Ueha Mātātahi, i whakarewahia ki Tāmaki Makaurau i tēnei rā. Ko Counties Manukau Children's Team te rōpū tuangahuru te tuwhera ake nei me te whai, kia whakahiato i te ora o ngā tamariki e noho nei i ngā mōreareatanga o te ringa tūkino, i waenga rānei i ngā whānau aro-kore.

He tirohanga whakamua, kia kaua ai ngā tamariki e whara i te punaha.

E ai ki a Tony Kake te Pouwhakahaere Papakura Marae, "Ko te tumanako ka titiro atu ki nga tamariki me nga mokopuna, ko te huarahi pai, huarahi tika, te huarahi hei whai oranga o tatau tamariki."

Hei tā te minita o te Manatū Whakahiato Ora a Anne Tolley, "If they can intervene successfully with these children, they will not need to go into Child Youth and Family into statutory care."

He tuāhuatanga hou te aho o Te Rōpū Tamariki o Manukau, e tuitui ana i te kāwanatanga, i ngā iwi, ngā hapori me ngā rōpū atawhai.

"My husband and I became primary caregivers for Daisy when she was three-and-a-half, and I believe that Children's Team will only benefit the vulnerable children in our community by making it a speedier process, in getting it right first time,” hei tā tetahi o ngā kaitautoko a GRAB 3 - Sango Broughton.

He kaupapa e arohatia ana e Papakura, Manurewa Taone me Manurewa ki te uru. Ko te whainga nui, kia kore ai ngā tamariki e riro ki ngā tatauranga tūkino tamariki.

Ko Manukau tētahi o nga rōpū whakamaru tamariki tekau o te motu, ā, e mea ana rātou 62 ngā tamariki ka whai āwhina ia marama. Otirā 1400 katoa nga  tamariki ka āwhinatia hei ngā tau e rua kei te heke mai.

E ai ki a Brownie Rauwhero, Kaumatua Te Roopu Tamariki o Manukau, "Na i tenei wa kua tutuki ki te kotahitanga ki te mahi i raro i te maru o kotahi whare."

He tuatahitanga anō hoki tēnei mā Te Rōpū Tamariki o Manukau te arataki i tana tamaiti tuatahi.