Kua ōkawa nei te kōhimuhimu o te wā, ko Jamie Joseph te kaiako matua hōu o te kapa whutupōro o Nipono. Nō te rā nei mana ai ngā kōrero mō Joseph, o Ngāti Maniapoto me Rangitāne, ka pōkai atu ki reira hei te paunga o tēnei tau tākaro.
Ko te kapa mīharo o te whakataetae ipu whutupōro o te ao. Ināianei he Māori kei te hautū i a rātou.
Nō te rā nei rere katoa ai te whakamana i ngā kōrero mō te kapa Highlanders, ko te wehe atu a Joseph i tō rātou kapa hei te paunga o tēnei tau ao ake anō i ngā marama tata kii ana e te kōhimuroa.
Kāore hoki a Joseph i te manuhiri ki te whutupōro i Nipono. Iwa tekau mā rima i tākaro mā te kapa Sanix, nā wai rā i eke ki tō rātou kapa ā-motu i te ipu whutupōro o te ao iwa tekau mā iwa.
Nāna hoki i ārahi i te kapa Ōpango Māori i te tau rua mano mā ono, te tau i toa ai te ipu Churchill. Rua mano tekau pūanō i hoki anō ki te kapa mō ngā tau e rua.
Inā rā hoki he titiro whakamua tā ngā toa whakaihuwaka tekau mā rima ki te āhua o te kāhui kaiako mō te tau tākaro e haere ake nei.
Ka tū te ipu whutupōro o te ao ki Nipono a tērā tau aini he pikau anō tērā mā tēnei Māori.
