He hapori e pukuriri ana, i te matenga ō rātou ki te whakatū petihana hei pana i tētahi kai-hara taitōkai mōrearea, kia noho tawhiti atu i tō rātou kura. Hei tā tētahi māngai o te kura o Jean Batten, kei te tino hē te whakaaetanga kia noho pātata atu he momo kai-hara pēnei ki te kura, inā ko te wā tuarua tēnei kua pēnei te whakakāinga i a ia. Ka mutu ko te īnoi, kia kaua rawa e pērātia anō.
Kei runga noa atu te utu o te tāwharau i tētahi kaitōkai mōrearea nui i tētahi mauhere whareherehere kotahi noa, koinei te āhua mō te kaitōkai i hūnukutia ake i wāhi tata mai o tētahi kura, kia tata ki tētahi atu.
E ai ki te Minita o ngā pirihimana a Hon. Judith Collins, “keeping this person under the strict supervision that he has is about six-times more than it is to keep a person in prison a year it is extremely expensive."
Ko tā te Ara Poutama o Aotearoa inā kē te mōrearea ka tūpono anō ia, nā whai anō tā rātou tono kia ūhia atu he ārai hei whakamaru i te iwi tūmatanui. Kāore i eke, engari kua ūhia kē he aronga turuki, e rua tekau mā tahi ōna ture.
Hei tā Collins kia Te Kāea, “We tried to get a Public Protection Order which would have kept the offender just outside the wire in the prison and that was turned down by the high court. So in this particular case he has the most stringent conditions of anyone."
Kua nekehia Te Kaihara Ki tetahi whare e 350mita Te Tawhiti mai I Te Kura o Jean Batten. He Tata Ki Te 2kiromita Te Tawhiti atu I Te Kura o Nga tapuwae Te wahi I noho tuatahitia e ia - he tekau mita atu I tera Kura.
"Well one of the problems is is that we have schools all over the country and in this particular case that you're talking about that it's very hard to get people placements in the community where there isn't a school somewhere," hei tā Collins.
Nā Te Kāea te pātai mēna ka rāhuitia te rohe tata o waho atu i te kura mō ngā kaitōkkai pēnei, heoi kāore tonu te Minita, Te Ara Poutama rānei i aro, heoi hei tā rātou ko ngā ture rua tekau mā tahi kua ūhia atu ko te mutunga tonu mai o te uaua.