E rau rangatira mā tēnā koutou katoa. E whā tekau mā ono miriona tāra ka whakapūmautia e te kāwanatanga i roto i ngā tau e whā ki te kaupare i te mahi taitōkai me te hāpai ake i ngā pārurenga. Heoi, arā ngā māharahara o tētahi ratonga Māori toko i te ora.
He poitō whakarewa mō ngā kairato āwhina ki ngā pārurenga o te taitōkai, whā tekau mā ono mīriona tāra ka whakapaua, hei āwhina i a rātou, hei aukati hoki i taua mahi.
E ai ki te Timuwhakarae a Kathryn McPhillips Nō HELP, “This is great! There are gaps everywhere, so to fill some of these gaps is fantastic. You know there's huge gaps in the harmful sexual behaviour sector, so it's great to see some money going there.”
Engari, e manako ana ngētehi kairato Māori, ka heke iho ētahi o aua pūtea ki te hunga e noho toimaha ana
“Mai i ngā tau toru tekau, tae atu, kua mahia kē au tērā mahi, hei āwhina i tō tātou nei iwi, hapū, whānau rānei, nō reira, karekau he utu tērā. Kei te mahi nā runga i te aroha, anō hoki, nā runga i ngā kore pūtea” hei tā Te Owai Gemmell nō Ngā Kaitiaki Mauri
“Te tautoko te mahi, i te whānau mahi, mahi kino, engari, tōku hiahia ka kite i ngā rōpū rohe i te pūtea tautoko,” hei tā Russell Smith te Kaiwhakahaere o Korowai Tumanako.
E ai ki ngā rangahau i te tau rua mano mā iwa, e rua hau toru o ngā pārurenga taitōkai i Aotearoa, he Māori. E āwangawanga ana te rōpū Ngā Kaitiaki Mauri, kāore he putea i whakatahangia hei āwhina i ngā pārurenga Māori.
Hei tā Gemmell, “Me pēhea te pūtea hei tiaki i ngā whānau Māori? Nā runga i ngā kaupapa Māori? Koina tā mātou nei mahi, mai i te mahi e kīa nei mātou, nā runga i ngā āhuatanga o te ao Māori, te aronga Māori.”
Ka tukuna ngā pūtea hei whakatū waea hou mā ngā pārurenga, ngā rātonga aukati i ngā whanonga taitōkai, me ngā pārurenga tāne.
Hei ngā marama e tū nei, ka mahi ngātahi te kāwanatanga me ngā ratonga mahi taitōkai ki te whakawhanake i ngēnei rātonga hou.
