Kua whakahē te Pāti Māori i tā Tony Abbott me tōna kāwanatanga aukati i ētahi hapori taratahi, kotahi rau rima tekau nei a te Iwi Moemoeā, i te pirimia e tāpoi ana i Aotearoa ki te tuku whakamahara atu ki ngā hōia i hinga i te pakanga.
Nā te mema paremata o te Pāti Māori, nā Marama Fox te wero i tuku, kia whakaaro rua anō te pirimia o Ahitereiria mō ngā kaupapa here hou a tōna kāwanatanga, me te aha, kua eke anō te mema paremata o mua, a Hone Harawira i te waka, me tana whakarewa i te haki o te Iwi Moemoeā.
Hei tā Mr Abbott, “We are naturally reluctant at reaching out to foreign conflict but this particular conflict is reaching out to us, that’s why this deployment to the Middle East. It’s not just about helping people over there, it’s about helping our own people too.”
Engari mo tōna whānau taketake ki tōna ake whenua, he rerekē ngā whakaaro.
Hei tā Marama Fox, “Kei te pirangi te ata tiro atu ia ki tōna ake whenua, ae tika reo kia rongo kaha te tangata nei. Kei te pai te hāere ki ta waahi ki ahitereiria.”
Hēoi kāre he rongoā mo te iwi moemoeā i tēnei rā, ā te ahua nei, ka haere tonu ngā wero i a Abbott me tōna kāwanatanga.
