Ka mutu, i te whakakapinga o ngā mahi i te whare paremata a Pāremata mō tēnei tau, i rere ake ko te waiari a ngā kaiārahi takirua o Te Pāti Māori. He wai hirahira i tono atu ki a Hanakoko, kia hono atu ki Te Pāti Māori.
I tae moata mai te Kirihimete ki te whare paremata, ā, ko te waiata tana kaiwaka. E hia kē miriona ngā wā kua kitea tēnei kiriata huri noa i te ao.
Hei tā Marama Fox / Pāti Māori, “Kei Iceland kei runga i tā rātou karere, kei Engaland, Scotland, United States, I was like oho rere ahau.”
He kotahi haora noa te wā ki te tito i tēnei waiata, ia Marama e rere atu ana i Poneke ki Tāmaki i runga i te wairua harikoa.
Ko tā Fox, “I muri i tēnā i whakaaro ahau, me parakatihi māua ko taku hoa a Te Ururoa i tēnei waiata. Te tikanga me waiata hoki ia, engari mō tōna kaha āta tiro atu ki tōna ukulele, wareware te waiata.”
Ā ko Marama tērā e tiaho mai ana, kei runga te kōrero, kei raro te rahurahu.
Hei tā Fox, “Koira te mea o Māori, ka korero harikoa nei,e ngari he kiko kei roto, nā reira ae he wero kei roto i te waiata.”
“Kia maumaha ki ngā tangata i ēnei kirihimete nei kei te moe ki hea? ki ngā tiriti? kei roto i te waka me ō rātou tamariki me tiaki i o tātou tamariki, tā Fox.
Ka kore pea tātou e mōhio mēnā rānei ka piri atu a Hana Koko ki te Pāti Māori, engari kāore e kore ka whakaae atu ia ki tēnei waiata.
