Massive effort to restore Maungaharuru for endangered Kōrure

He mahi nui kei te haere i tēnei wā tonu i Maungaharuru i te raki o Te Matau a Māui, hei kainga mā ngā manu kua tata whatungarongaro. Kua haria ētahi Kōrure hōu ki taua maunga hei whakatipu manu ki reira, he kaupapa e kī ana ko te Poutiri Ao o Tāne. 

I muri i te haerenga roa mai i Whenua Roa ka tae ora atu tēnei o ngā kōrure me āna hoa whā tekau mā rima ki tōna kainga hou a Maungaharuru.

Cathy Mitchell - Kaitiaki Kōrure, “They used to breed here and we'd like to bring them back to their place where they used to be.”

Ko tā Matiu Eru - Maungaharuru Tangitū Trust - “Ko tēnei kaupapa he roa te wā he roa kei mua nē me pera pea te kōrero mō ēnei tū momo manu ko te mea nui kei te hoki mai.”

I ngā rā o mua muia ana te maunga nei e aua manu, engari kua tata whatungarongaro tēnei tāonga i ēnei rā. Koinei hoki te waahi tuarua o te motu i kitea ai taua manu.

Hei tā Matiu Eru - Kaumatua Maunga Haruru Tangitu, “Ko tētahi pea o tēnei kaupapa he nui o tātou iwi e mea ana oo ka pai kua kai tītī tātou, engari, e kore pea e tāea e wā tātou mokopuna o ēnei rā te hauhake ki te mea i ngā manu nei, kei te titiro whakamua tātou hei te kōtahi rau tau kē pea ka hoki mai tērā āhua.”

Heoi ma te tūtae o tēnei manu te pūnaha taiao o Aotearoa e whakaora.

“That provides heaps of nutrients on which a lot of our bush and our other native birds relied on for their sustanance, so they're quite an important thing which is actually missing at the moment.” Ko tā Mitchell.

Ko te whāinga matua ināianei kia tau ai te noho o ēnei manu hei whakapakari ake i o rātou tinana kia rere ai ēnei manu.