Ko te Ipu Kirikiti o te Ao, ko Te Matatini raini?
Ko te tikanga, ko Te Matatini tērā i whakaritea kia tū ki Ōtautahi ā te wiki tuarua o Hui Tanguru rua mano tekau mā rima, engari, koia hoki te wiki kura whakaritea kia tū ai te kēmu tuatahi o te Whakataetae Kirikiti o Te Ao.
Hakoa i whakaaetia ngā tono e rua nei e te Kaunihera o Ōtautahi, hei tā tētahi māngai o te Kaunihera, nā tētahi whakatau a te Kōti Taiao, kua kore e taea te tū ngātahi, me te aha, e anga whakamua ana rātou ko Te Rōpū Ahurei o Waitaha ki te kimi rongoā.
Engari arā tonu ngā whakaaro o ngā Mema Pāremata Māori.
Ki ngā kamo o Te Kaunihera o Ōtautahu, ko te āhua nei kua tokatūmoana te rā e tū ai te kēmu tuatahi o te Kapu Kirikiti o te Ao, arā ko te Rāhoroi te 14 o Pepuere rua mano tekau mā rima ki ngā papa whenua nei o Hagley.
Ā, arā hoki ngā whiringa a te Rōpū Ahurei o Waitaha, hei whai.
E tūmanako ana te kōmiti whakahaere o Te Matatini, ka puta he whakatau mō ngā rautahi a Waitaha, rātou ko Ngāi Tahu me te Kaunihera a te mutunga mai o te wiki. Nō reira, taihoa kia hoko ō tikiti.
