Nā tētahi whakatau e pā ana ki ngā whakahaere o te puna kaukau o Rotorua, e raru ai te kaunihera a rohe o ngā roto moana o Rotorua. He tirohanga ka pā ki ngā kaimahi toru tekau mā waru, heoi ko te whakautu kia noho tahi ngā kaimahi me ngā kaiwhakahaere.
Koia nei te tirohanga a ngā mema o te komiti whakahaere me tā rātou āki, kia whakaaro anō te kaunihera mo ngā huarahi whakahaere e pā ana ki te whare kaukau o Rotorua.
Hei ko tā Robert Popata o te uniana o ngā kaimahi, “he tino raru, ngā whakahaere katoa i te raru, heoi kua tae ki tēnei wā, ā, he korero tika kua puta mai mo te kaunihera, me ngā kaiuru reiti hoki.”
Ki raro i to rātou uniana mahi, i te whawhai ngā kaimahi o te whare kaukau kia noho tonu ngā mana whakahaere ki raro i te kaunihera. Ahakoa te whakatau i te ra nei, kāre anō kia tau te kaupapa.
Hei tā te kaikaunihera a Charles Sturt, “kua whakatōroa haere i ngā mahi, ā, ngā matapae i puta ki roto i to mātou rautaki ā pūtea ka rereke inaianei, nō reira mai konei ki hea, ka noho tonu te pūrongo a ngā mahi me CML hei wānanga tahi.”
Ko te hiahia a te kaunihera kia riro ma Community Leisure Management Limited te wāhanga whakahaere te whare kaukau. Engari ko te whakapono a ngā kaimahi me noho tonu ki raro i te kaunihera.
Mo Hemana Bennett, tētahi e tautoko ana i ngā mahi “kei tēna te ahua o te kaunihera, nē, te hapori kei tēnā, kei tēnā ōna whakaaro, ā, engari te pai hoki, te āhua o te tautohetohe.”
Ka puta te whakatau whakamutunga hei te rua tekau mā waru o tēnei marama.
