Me panoni i ngētehi paearu o KiwiBuild mō te hunga e noho tāone ana

Ki Tāmaki Makaurau, e mea ana tētahi kaitono mōkete, ka whai hua ngā whānau Māori i a KiwiBuild me te taumata utu ā-tau, kotahi rau waru tekau mano tāra a te tokotini e noho nei i te whare, engari, auari ake mō te hunga e noho ana ki ngā taonenui.

E ai ki a Tahei Simpson ka whai hua ngētehi o ngā whānau Māori i te kaupapa hoko whare o KiwiBuild, wheoi, engari anō mō ngētehi atu.

Ko ngā paearu:

  • me tauhōu te kaihoko, me kaihoko whai oranga rua rānei;
  • nō Aotearoa, he kainoho i konei rānei;
  • me noho ki te kāinga mō ngā tau e toru,
  • kei raro i te kotahi rau rua tekau mano tāra te utu ā-tau mō te kaihoko takitahi
  • kei raro i te kotahi rau waru tekau mano tāra te utu ā-tau mō te kaihoko takitini

Hei tā Simpson, ko tā te nuinga o te hunga e noho taone ana, kei ngā rohe kē te ahikā.

E wātea ana te hunga tōmina ki te rēhita ki te ipurangi o KiwiBuild. E matapae ana ka hangaia ngā whare kotahi mano ā te marama nei, ā tērā tau, tekau mano ngā whare ā ngā tau e toru e haere ake nei.