Ko te whai i tētahi ara whakahou i te tāhū ture te ito o ngā pūrongo e rua kua whakamānuhia e te Minita Take Ture, e Andrew Little.
Ko Turuki, Turuki te pūrongo nā Hāpai Te Hauora me Te Tangi o Te Manawanui: He tūtohutanga mō te whakahou i ngā tikanga nā te Kaitohutohu Take Pārurenga Matua i tuhi, he whakahou i te pūnaha taihara ki Aotearoa nei te kōrero nui.
Ko te Kāwanatanga tērā e ārahi ana i te anga whakamua o te punaha ture taihara, ā ko ngā whakapuakitanga i te ata nei, e tautokona ana e Tā Kim Workman, toihau ō mua o Ara Poutama Aotearoa, pirihimana ō mua, ā he kaihāpai hoki i te whakahounga o te pūnaha ture.
"Today we saw a government that was brave enough to accept that we have all this history that we need to correct."
Ā kua whai hoa tautoko ia i te MP ō mua o Nahinara, heamana hoki o Te Uepū Hāpai i te Ora, i a Chester Borrows.
"This is a major change in mindset from what we've been doing in prisons so far."
He pūnaha kua hia kē nei ngā tau e muia ana e te Māori, ā he pūrongo ēnei e pīkau nei i ngā tūmanako hei whakaheke i ngā tatauranga, ā taihoa ake nei.
Hei tā te Minita, tā Andrew Little e titikaha ana rātou ko tana tira ki te panoni i ngā tatauranga mō ngāi Māori i tēnei punaha, i te mea kei te kino te ngau ki tua atu i te pūnaha ture taihara.
"The commitment is if we say we have a justice system and a prison system that kind of reflects our community having the massive overrepresentation of Māori in our prisons and our criminal justice system means we are nowhere near that."
Hei tā Borrows he ara whaihua atu anō ka taea te whai atu.
"Rehabilitation centres instead of prisons that's been a suggestion that is 30 years old it's in line with saying let's do more on a community based level but none of this stuff can happen at a click of a finger."
E karanga ana ngā ripoata nei kia whai panonitanga te kāwanatanga. Ki te Māori, koinei te wā.
Ko Julia Amua Whaipooti tētahi kei roto i te Rōpū Tohutohu i Te Uepū. Hei tāna, "This is a moment in time of which change needs to happen and the change needs to happen now it's not something we wait for so that in another 30 years I have mokopuna talking about these same issues."
Ko te āpitinga kōrero a Little, "This is a change that is going to take some years to put in place and we have to move at a pace where we take the community with us."
Ka puta ētehi atu whakapuakitanga mō ngā whakahoutanga ki te pūnaha ture hei te Rāhina.
