Me whakakore ngā Iwi i ngā mahi tūkino

E ai ki tētahi rangatira o Te Tai Tokerau, e te whakapau kaha ana ki te whakakore i te mahi tūkino, engari e kore tērā mahi e tere rongoātia.

Ki tā Haami Piripi o Te Rarawa, he mate nui ngā mahi tūkino ki tōna iwi, engari mā te iwi anō e whakatika.

He pēpi anō kua mate i te ringaringa a tētahi kaipatu, ā, kua karanga ake tētahi rangatira o Te Tai Tokerau, kia whakamutua ngā mahi ināianei, me tū ngā iwi ki runga.

Kua whiriwhiriā e te rōpū rangatira o ngā iwi ngā take pērā i te mana o te wai, engari mō tēnei take, auare ake.

E ai ki te 'People's report' mē whakaaro atu te kāwanatanga ki ngā rongoā māori mō te take nei, ā, kua kite mātou i etāhi kaupapa kua whakatūria e te Māori.

Ki tā Haami Piripi, ahakoa he arohanui ōna ki nga pārurenga o ngā mahi tūkino, he whakaaro anō ōna mō ngā kaipatu.